एप्पल आईफोन १५ लाईनअपको ईसिम मात्र लाग्ने भर्सन धेरै राष्ट्रहरुमा लन्च गरिने

काठमाडौंः एप्पलको हालको आईफोन १४ लाईनअप ई-सिम कनेक्टिभिटीको साथ आउने गरेको छ। उक्त फिचर २०१८ को आईफोन एक्सएसमा समावेश गरी केही वर्ष अघि मात्र पहिलो पटक प्रस्तुत गरिएको थियो।

संयुक्त राज्य अमेरिकामा लन्च गरिएको आईफोन १४ लाईनअपमा पहिलो पटक फिजीकल सिम कार्ड स्लट बिना नै ईसिम कनेक्टिभिटी मात्र समावेश गरि उपलब्ध गराइएको उल्लेख गरिएको छ।

अब, कुपर्टिनो–बेस्ड टेक्नोलोजी जायन्टले यसलाई अझ विस्तार गर्ने योजना बनाइरहेको र यस वर्ष अन्य थुप्रै देशहरूले पनि ‘ईसिम–ओन्ली’ आईफोनहरू प्राप्त गर्ने पछिल्लो रिपोर्टले दाबी गरेको छ।

उक्त फिचर समावेश गरिएको आईफोन लन्च गरिने देशहरूको सूची भने पुष्टि भइनसकेको बताइएको छ। यद्यपी फ्रान्सेली वेबसाइटबाट आएको रिपोर्टले फ्रान्समा उपलब्ध हुने आईफोन १५ र आईफोन १५ प्रो सिरिजमा ई-सिम मात्र समर्थन हुने संकेत गरेको बताइएको छ। साथै कम्पनीले अन्य युरोपेली देशहरूमा पनि फ्रान्समा अपनाएको नीति/योजना पछ्याउने अपेक्षा गरिएको बताइएको छ।

फिजीकल सिम भन्दा ईसिम बढी सुरक्षित हुने र यदि डिभाइस चोरी भएको खण्डमा पनि ईसिमलाई भौतिक रूपमा हटाउन सम्भव नहुने एप्पलले दावी गरेको छ। साथै, प्रयोगकर्ताले डिभाइसमा आठ ओटा ईसिमहरू थप्न र व्यवस्थापन गर्न सक्ने कम्पनीले उल्लेख गरेको छ। त्यसैगरी ईसिमले सिमकार्डहरू बदल्ने जोखिमलाई हटाउने र यात्रा गर्दा तिनिहरुलाई सुरक्षित राख्न मद्दत पुग्ने उल्लेखछ।

साथै, अन्य थुप्रै स्मार्टफोन निर्माताहरूले पनि अब ईसिम समर्थनका साथ डिभाइसहरू ल्याइरहेका हुनाले ईसिम स्मार्टफोन ढुवानी यस वर्ष १५ प्रतिशतले बढ्ने अनुमान गरिएको गरिएको छ।

त्यसैगरी सामसङले हालै मात्र सामसङ ग्यालेक्सी एम ५४ को लन्चसँगै आफ्नो मिड–रेन्ज स्मार्टफोनहरूमा पनि ईसिम समर्थन प्रस्तुत गरेको बताइएको छ। टेक्नोलोजी