श्रावण ३, २०८२ शनिबार
July 19, 2025
न्युज डेस्क
२०७७ बैसाख २७, शनिबार
काठमाडौंः नेपालको लिपुलेकमा एकतर्फी अतिक्रमण गरी भारतले सडक मार्ग खोलेको विरोध गर्ने क्रममा नेपाली सेनाका पूर्वजर्नेल प्रेमसिंह बस्न्यात र नेपाल प्रहरीका पूर्व एआईजी ठाकुरमोहन श्रेष्ठ पक्राउ परेका छन् ।
शनिबार अपरान्ह सत्तारुढ दल नेपाल कम्युनिष्ट पार्टी (नेकपा)को पार्टी कार्यालय अगाडी शंखपार्कमा उनीहरुले लिपुलेकको विषयमा पत्रकार सम्मेलन गर्ने क्रममा प्रहरीले पक्राउ गरेको हो ।
पक्राउ गरिएका बस्न्यात र श्रेष्ठलाई महानगरिय प्रहरी कार्यालय महाराजगञ्जमा राखिएको हिरासतबाटै पूर्व जर्नेल बस्न्यातले सञ्चारकर्मीलाए जानकारी दिएका थिए । “हामी लिपुलेकमा भारतले बाटो बनाएको विरोधमा केही पत्रकारहरुलाई बोलाएर प्रेस विज्ञप्ति पढ्दै थियौं । त्यही समयमा हामीलाई भारतको विरोध नगर भनेर समातेर महाराजगञ्ज प्रहरी कार्यालयमा ल्याइएको छ,” उनले भने ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया