युक्रेनद्वारा रुसको बेलगोरोद क्षेत्रमा ड्रोनबाट बम प्रहार

काठमाण्डौः युक्रेनसँग सीमा जोडिएको रुसको बेलगोरोद क्षेत्रमा सोमवार राति युक्रेनी सैनिकहरूले ड्रोनमार्फत बम प्रहार गरेको त्यहाँका गभर्नर भ्याचेस्लाभ ग्लादकोभले बताएका छन् ।

यसअघि युक्रेनको एक ध्वंसात्मक समूहले त्यहाँ छापामार आक्रमण गरेपछि प्रतिआतंकवादी कारवाही चलाइएको थियो ।

अबेर राति ग्रेभोरोन शहरमा सर्वसाधारणको घरमा बम खसाइएको थियो । उक्त शहर युक्रेनी सीमाबाट सात किलोमिटर टाढा छ । दुईवटा घरमा आगो लागेको तर कोही हताहत नभएको ग्लादकोभले जानकारी दिए ।

ग्लादकोभमै सोमवार युक्रेनी घुसपैठियाहरूले आक्रमण गरी आठजनालाई घाइते बनाएका थिए । त्यसपछि उक्त क्षेत्रमा प्रतिआतंकवादी कारवाही चलाइएको थियो ।