काठमाडौं : नेकपा एमालेका सचिव योगेश भट्टराईले सहमति बनाएर संसदको छोटो प्रक्रियाबाट नागरिकता विधेयक पारित गर्नुपर्ने बताएका छन् । यसरी नागरिकता विधेयक आए एमाले सहयोग गर्न तयार रहेको उनले बताएका छन् ।
गत असोजदेखि राष्ट्रपति कार्यालयमा निर्णयविहीन अवस्थामा रहेको नागरिहकता विधेयक प्रमाणीकरण गर्न अनुरोध गर्ने निर्णय एक साता अगाडि बसेको मन्त्रिपरिषद बैठकले गरेको थियो ।
अध्यादेश र विधेयकको उत्पत्ति, प्रमाणीकरण गर्ने प्रकृया तथा कार्यक्षेत्र अलग-अलग रहेको भन्दै उनले विधेयक प्रमाणीकरण गर्न राष्ट्रपतिलाई सिफारिस गर्ने अधिकार संविधानको कुनै पनि धाराले मन्त्रिपरिषदलाई नदिएको बताएका छन् ।
सरकारले विधेयक प्रमाणीकरण गर्न राष्ट्रपतिलाई अनुरोध गर्ने निर्णय संसदको अधिकारमाथिको हस्तक्षेप भन्दै उनले असंवैधानिक कामका लागि राष्ट्रपतिलाई नउक्साउन आग्रह गरेका छन् । पूर्वमन्त्रीसमेत रहेका भट्टराईले सामाजिक सन्जालमा लेखेका छन्, ‘प्रधानमन्त्रीलाई राष्ट्रपतिको सल्लाहकारका रुपमा पनि बुझिन्छ । स्वयं प्रधानमन्त्रीले राष्ट्रपतिलाई असंवैधानिक काम गर्न उक्साउनु आफैंमा गम्भिर विषय हो ।’
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया