नेपाल राष्ट्रिय आधारभूत विद्यालयमा विद्यार्थीको घुईचो

काठमाण्डौंः २०७६ सालमा मुगमकामारोङ्ग गाउँपालिका –३ ताखामा स्थापना भएको नेपाल राष्ट्रिय आधारभूत विद्यालय कर्णाली प्रदेशको एक मात्र आवासिय विद्यालय हो ।

कुनै बेला भौतिक संरचना अभाव हुँदा विद्यार्थीहरु एउटै कोठामा बस्न बसेर पठन पाठन गर्न बाध्य थिए ।

सो समय ढुङ्ग र काठको टहराबाट सुरु भएको आवासीय विद्यालय पछिल्लो समयमा भौतिक पूर्वधार निमार्ण हुँदै व्यवस्थित बन्न थालेपछि पढ्न आउर्ने विद्यार्थीको निकै घुईचो लाग्ने गरेको छ ।

संघीय सरकारबाट छाना, प्रदेशर सरकारबाट नाना, स्थानीय सरकारबाट अन्य व्यवस्था गरी मुगुमकामारोङ्गगाउँपालिका भित्र रहेका गरिब, दलित, असाय, विद्यार्थी र समुदायमा शिक्षामा परिवर्तन गरी जिल्ला र देशको शिक्षा क्षेत्रमा सुधार ल्याउन विद्यालय सन्चालन गरिएको हो ।

यो आवासिय विद्यालयमा बिस्तारै भैतिक पूर्वधारहरु जस्तै भैदान, लाईब्रेरी, शौचालय,खानेपानी, विद्युत लगायत खाना, बास बस्न, लता कपडा समेत निशुल्क पाउने भएपछि हिजो आज विद्यार्थीहरुको निकै चाप बढ्दै गएको छ ।

मुगमकामारोङ्ग गाँउपालिकामा रहेका सामुदाय विद्यालयमा कक्षा ५ सम्म अध्यान गरिसके पछि अन्य कक्षा पढ्नको लागि बाहिरी पालिका जिल्ला सदरमुकाम, अन्य जिल्लामापढ्न जानु पर्ने भएको हुँदा विद्यार्थीहरु बिचैमा कक्षा छोड्ने गरेका थिए । तर अहिले सो आवसिया विद्यालयको प्रवद्र्धन भएसँगै विद्यार्थीले पढाइलाई निरन्तरता दिन थालेका हुन् ।

‘स्थापनाका बखत यो विद्यालयको संचालनका लागि निकै कठिनाइहरु थिए । ठूला ढुङ्गाको आड, काठका टहराबाट बाँस, गाँस, पठन पाठन गर्दै आएका थियौँ । पछिल्लो समयमा संधिय सरकारदेखि स्थानीय सरकारको सहयोगमा विद्यालयका भौतिक पूर्वधार बन्दै गएपछि पठन पाठनमा गुणस्तरीय बन्दै गएको छ । कक्षा ४ बाट सुरु गरेको विद्यालय अहिले कक्षा ९ सम्म सन्चालन गरिरहेका छौं । विद्यालयमा हिजो आज छात्रा र छात्र गरि जम्मा ३ सय ४४ जना विद्यार्थी छन्,’ प्रधानध्यापक कुशल बहादुर शाहीले भने।

उता गाउँपालिकाका प्रमुख प्रशासकीय अधिकृत शुवास चन्द्र रावलले पनि पछिल्लो समय भौतिक पूर्वाधारको विकास भएकाले विद्यालयमा विद्यार्थीहरुको आकर्षण बढेको बताए ।

उनले भने, ‘पछिल्लो समयमा विद्यार्थीहरुको अनुपात विगतको भन्दा बढेको छ । भौतिक पूर्वधार निमार्ण भएका छन, छात्रा छात्रहरुको आवास, विद्यालय कोठा, भान्सा, गोदाम घर, शौचालय,खेल मौदान, निमार्ण हुँदै गएपछि निकै सुधार भएको छ । अन्तर विद्यालयमा हुर्ने अतिरिक्त क्रियाकलापमा पनि यो विद्यालय उत्कृष्ट रहँदै आएको छ ।’

प्रदेश सरकारबाट प्रति विद्यार्थी प्रति महिना ४ हजारको दरले १० महिनाको खानाको ब्यावस्था गरेको छ । त्यस्तै संघीय सरकारले छाना अर्थात पूर्वधार भवनको व्यवस्था गरेको छ । त्यस्तैगरी स्थानीय सरकारले स्वास्थ्य सामग्री लता कपडाको व्यवस्था गरेको छ ।

अन्य चौकीदार भान्से लगायत १० जना कर्मचारीहरुकोसमेत व्यवस्था गरिएका गाउँपालिकाका अध्यक्ष छिरीङ्गक्याप्र्ने लामाले बताएका छन्।