युग खबर
२०८० श्रावण १५, सोमबार
काठमाण्डौंः पूर्वाञ्चल विश्वविद्यालय सेवा आयोगका अध्यक्षलाई कालोमसो दलेको भन्दै नेविसंघका कार्यकर्तालाई निलम्बन गरिएको छ । पूर्वाञ्चल विश्वविद्यालय सेवा आयोगका अध्यक्ष प्रा.डा. महेश दाहालमाथि कालोमोसो दलेको घटनामा संलग्न भएको भन्दै नेविसंघले आफ्ना विद्यार्थी नेतालाई निलम्बन गरेको हो ।
छानबिनका क्रममा कालोमोसो दलेको पुष्टि भएपछि केहीलाई निलम्बन गरिएको नेविसंघका अध्यक्ष दुजाङ शेर्पाले सोमबार विज्ञप्तिमार्फत जानकारी दिएका छन् ।
कालोमोसो दल्नु नेविसंघको आदर्श, मूल्य-मान्यतावको विपरीत भएकोले केहीलाई कारबाही गरिएको अध्यक्ष शेर्पाले बताएका छन् ।
जारी विज्ञप्तीमा संघका नाममा हुने कुनै पनि विधि विधान र पद्धति विपरित गतिविधि नगर्न नगराउन हुन आग्रह गर्दै यस्ता गतिविधि गर्ने जो कोहीलाई पनि विधान बमोजिम कारवाही गर्न नेपाल विद्यार्थी संघ केन्द्रीय समिति बाध्य हुने भनिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया