श्रावण ४, २०८२ आइतबार
July 20, 2025
युग खबर
२०८० भाद्र २१, बिहिबार
काठमाडौंः स्नातकोत्तरमा मनोविज्ञान विषय अध्ययनरत विद्यार्थीले शिक्षण शुल्क लगायत प्रशासनको बेथितिको विरोध गर्दै त्रिचन्द्र क्याम्पसमा तालाबन्दी गरेका छन् ।
पठनपाठनका लागि कक्षाकोठा र शैक्षिक सामग्री समेत उपलब्ध हुन नसकेको विद्यार्थीको गुनासो छ । चर्को शुल्क फिर्ता, नियमित कक्षा सञ्चालन, ट्रेनिङ र परामर्शको व्यवस्थालगायत माग राखेर तालाबन्दी गरिएको एक छात्राले जानकारी दिइन् ।
एमए चौथो तहका लागि ३८ हजार शुल्क तोकिएकोमा पनि विद्यार्थीले असन्तुष्टि जनाएका छन् । उक्त शुल्क पद्मकन्या क्याम्पस र त्रिभुवन विश्वविद्यालको केन्द्रीय विभागमा सञ्चालन गरिएको कार्यक्रमभन्दा दोब्बर बढी रहेको विद्यार्थीहरुको भनाइ छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया