श्रावण ४, २०८२ आइतबार
July 20, 2025
रासस
२०८० कार्तिक २०, सोमबार
काठमाण्डौंः सर्लाहीको बागमतीमा नेपाल बोटे समाज विद्यार्थी सङ्गठनको पहिलो राष्ट्रिय सम्मेलनले विशालकुमार बोटे अध्यक्षतामा नौ सदस्यीय केन्द्रीय समिति चयन गरेको छ ।
विभिन्न जिल्लाबाट उपस्थित भएका बाटे समुदायका विद्यार्थीको सम्मेलनले उपाध्यक्षमा इन्दिरा बोटे, सचिवमा सविना बोटे, कोषाध्यक्षमा सुजन बोटे र पाँच जना केन्द्रीय सदस्य चयन गरेको समितिका नवनिर्वाचित सचिव सविना बाटेले जानकारी दिइन् ।
सो अवसरमा बोटे जातिको भाषा, संस्कृति र पहिचानको संरक्षण गर्दै अघि बढ्नुपर्नेमा सम्मेलनका अध्यक्ष राजकुमार बोटेले जोड दिए । सम्मेलनमा चितवन र तनहुँमा बसोबास गर्ने बोटे समुदायका विद्यार्थीको उपस्थिति थियो ।
बागमती नगरपालिकाका नगर प्रमुख भरतकुमार थापाले नगरपालिकाले केही घरधुरी बोटे समुदायको संरक्षण गर्दै बस्ती नै बसालेको बताए । उनका अनुसार बोटे जातिको पुर्ख्यौली पेसा माछा मार्ने तथा डुङ्गा चलाउने हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया