प्रमुख दलहरुकै कारण मुलुकमा राजनीतिक अस्थिरता पैदा भएको उपेन्द्र यादवको दाबी

काठमाडौं। जनता समाजवादी पार्टी, नेपालका अध्यक्ष उपेन्द्र यादवले ठूला भनिएका दलहरुकै कारण मुलुकमा राजनीतिक अस्थिरता पैदा भएको बताएका छन्।

आइतबार काठमाडौंमा जनतासंग जसपा नेपाल, अभियान्ता अभिमुखीकरण कार्यक्रमको उद्घाटन गर्दै अध्यक्ष यादवले राजनीतिक अस्थीरताका लागि एक अर्कालाई दोष थुपार्ने काम भएपनि ठूला भनिएका दलहरुकै कारण अस्थीरता पैदा भएको बताएका हुन्।

उनले राजनीतिक स्थिरताका लागि भन्दै संविधान संशोधनमार्फत समानुपातीक समावेशी हटाउन खोजिए स्वीकार्य नहुने चेतावनी दिए।अहिलेको प्रणालीलाई बलियो बनाउनका लागि पहिचान र सामथ्र्यका आधारमा राज्यको पुर्नसंरचना गर्नुपर्ने, प्रदेशलाई अधिकारसम्पन्न बनाउनुपर्ने र जनतालाई आत्मनिर्णयको अधिकार दिनुपर्ने उनले बताए।

उनले ठूला दलहरुबाट अव मुलुकको अवस्था सुधार नहुने भएकाले आफुहरु बलियो भएर आउनुपर्नेमा जोड दिए। यसैका लागि जनतालाई संगठित गर्न चार महिने जनतासंग जसपा नेपाल, अभियान चलाएको उनले जानकारी दिए। सो अभियानपछि मुलुकलाई जोगाउनका लागि सडक संघर्षमा जानैपर्ने उनले बताए।