बाढी र डुबानसँगै डेंगुको त्रास !

काठमाण्डौंः बाढी आएसँगै डेंगु पनि बढिरहेको छ । एक्कासी उच्च ज्वरो आएर मानिस विरामी पंररिहेका छन् । यो ज्वरो कहलेकाहँ ५÷७ दिनसम्म पनि देखिन थालेको छ ।

प्राकृतिक प्रकोपको चापमा परिरहेका बेलामा डेंगुका बिरामीको अवस्थामा सरकारले ध्यान पनि दिन सकिरहेको छैन । तर यति नै बेलामा डेंगुको महामारी नराम्रो गरी फैलन सक्छ । यो संभावनालाई सरकारले बेलैमा ध्यान दिनुपर्छ ।

अस्पतालमा भर्ना भएका बिरामीले असाध्यै टाउको दुख्ने, आँखाको गेडी तथा आँखाको पछिल्लो भाग दुख्ने, ढाडजोर्र्नी तथा मांसपेशीहरु दुख्ने, शरीरमा विमिरा आउने गरेको बताउने गरिरहेका छन् । यी सबै डेंगु सङ्क्रमणका लक्षणहरू हुन् ।

यसका साथै, वाकवाकी लाग्ने, वान्ता हुने, पेट दुख्ने, नाक वा गिजाबाट रगत बग्ने, रक्तस्राव हुने वा शरीरमा रगत जमेको चक्का देखापर्ने, बेहोश हुने आदि लक्षणहरु पनि बिरामीमा देखा परिरहेका छन् । सामान्य डेँगुमा मृत्यु हुने सम्भावना ज्यादै न्यून रहे पनि संक्रमणले च्याप्दै लगेपछि बिरामीको अवस्था पनि गम्भीर बन्दै जान्छ ।

बिरामीले ध्यान दिनुपर्ने कुरा धेरै छन् । त्यसमा पनि अन्तिम अवस्थामा हुने रक्तश्राव ज्यादै खतरा हुन्छ । यो अवस्थामा पुगेको डेंगु सङ्क्रमणका लक्षण थाह पाइराख्नु उपयोगी हुन्छ । बिरामी लामो समयसम्म बेहोस भइरहेमा, जलवियोजनका कारण बेहोस भएमा, कलेजोमा खराबी उत्पन्न भएका बखतमा आफन्त निकै सतर्क हुनुपर्छ । यस्तो बेलामा दुखाइ कम गर्नका लागि ब्रुफेन, निमेसुलाइड तथा एस्पिरिन जातका औषधीको प्रयोगप्रति सतर्क रहनुुपर्छ ।

विगत केहि दशक देखि विश्वभरि नै डेंगु रोगको संक्रमण अत्यधिक रुपमा बढ्दै गैरहेको छ । बितेको ५० वर्षमा यो रोगको संक्रमण ३० गुणा बढेको पाइन्छ । विश्वको आधा भन्दा बढी जनसंख्या यो रोगको जोखिममा रहेका छन् । १२८ भन्दा बढी मुलुकका अर्बौं मानिसहरु यस रोगको जोखिमको क्षेत्रमा बसोबास गर्दछन् । प्रत्येक वर्ष झन्डै ३९ करोड डेंगु रोगको संक्रमण हुने गर्दछ । २० हजार भन्दा बढी व्यक्तिको मृत्यु हुने गरिरहेको छ ।

त्यसैले नेपालमा पनि यसको छोटो समयमा देखिएको फैैलावट, सङ्क्रमण र प्रभावितको संङ्ख्या हेर्दा स्थिति खराब नै देखिन्छ । अहिले भेलबाढी र पानी जमिरहेको अवस्थामा जनसाधरण डेंगुको महामारीबाट बेलैमा सतर्क रहनुपर्छ ।राजधानी