ट्रक दुर्घटनामा एक जनाको मृत्यु, तीन जना घाइते

काठमाण्डौंः पाँचथरको हिलिहाङ गाउँपालिका वडा नंम्बर ६ भारपास्थित मेची राजमार्गमा ट्रक दुर्घटना हुँदा एक जनाको मृत्यु भएको छ ।

ताप्लेजुङदेखी फिदिमतर्फ आउँदै गरेको काठको गोलिया बोकेको ना ४ ख ७१२३ नम्बरको ट्रक ब्रेक फेल भएर दुर्घटना भएको हो । दुर्घटनामा हिलिहाङ–३ साम्रेका ५७ वर्षीय भवानीशंकर पौडेलको मृत्यु भएको हो ।

शुक्रबार साँझ राजमार्गदेखी करिव ६० मिटर सडकबाट तल खसेर दुर्घटना हुँदा ट्रकमा रहेका अन्य तीन जना घाइते भएको जिल्ला प्रहरी कार्यालय पाँचथरले जनाएको छ ।

घाइतेहरुको जिल्ला अस्पताल पाँचथरमा उपचार भइरहेको जिल्ला प्रहरी कार्यालयका सूचना अधिकारी प्रहरी निरीक्षक बिनालाल साह तेलीले बताउनु भयो ।