संविधानसभा सदस्य सिद्दिकीको हृदयाघातबाट निधन

काठमाण्डौंः संविधानसभा सदस्य अब्दुल हमिद सिद्दिकी (भोला) को निधन भएको छ ।

बाँकेको नेपालगन्ज उपमहानगरपालिका वडा नम्बर ४ गणेशपुर निवासी काँग्रेस नेता सिद्दिकीको ६० वर्षको उमेरमा गएराती हृदयाघातबाट निधन भएको काँग्रेस बाँकेका सचिव सुधांशु कोइरालाले जानकारी दिनुभयो ।

इमान्दार र जुझारु स्वभावका सिद्दिकी दोस्रो संविधानसभा २०७० मा सभासद् हुनुभएको थियो ।

उहाँको आज अपराह्न ४ बजे अन्त्येष्टि गरिने कोइरालाले जानकारी दिनुभयो ।