चैत्र २, २०८१ शनिबार March 15, 2025

बैतडीमा जिप दुर्घटना : तीन जना घाइते, तीन ओटा बाख्रा मरे

तामाको भाडाकुँडा विक्री गर्दै आएकाहरू दुर्घटनामा

शेयर गर्नुहोस:
फन्ट परिवर्तन गर्नुहोस:

काठमाण्डौं : बैतडीमा जिप दुर्घटना भएको छ। जिल्लाको सुर्नया गाउँपालिका–८ मा जिप दुर्घटनामा परेको हो।

बैतडी प्रहरीले शनिवार साँझ से १ ज ४१४ नम्बरको जिप दुर्घटना भएको बताएको छ। जिल्ला प्रहरी कार्यालय बैतडीका सूचना अधिकारी बलराम पाण्डेयले जिपमा चालकसहित ६ जना सवार रहेकामा तीन जना घाइते भएका बताएका छन्। जिपका चालक फरार भएका छन्। घाइते तीन जनाको डडेल्धुरा अस्पतालमा उपचार हुँदैछ।

डडेल्धुराको अमरगढी नगरपालिका–७ का ३५ वर्षीय दीपक कैनी, सोही ठाउँका ४५ वर्षीय टेक कैनी र ५६ वर्षीय शिव पार्की घाइते भएका हुन। जिप चालक ३२ वर्षीय केशव कैनी फरार रहेका प्रहरीले बताएको छ।

तामाको भाडाकुँडा विक्री गर्दै आएकाहरू दुर्घटना परेका हुन्। जिपमा ३५ ओटा बाख्रा पनि रहेका र ती मध्ये तीन ओटा बाख्रा मरेका छन। पाँच ओटा घाइते भएका छन्। कच्ची सडकमा जिप अनियन्त्रित भइ सडकबाट तल खसेको बताइएको छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया