श्रावण ४, २०८२ आइतबार
July 20, 2025
युग खबर
२०८२ जेठ १६, शुक्रबार
रुपन्देही । रातीदेखि अवरुद्ध पूर्वपश्चिम राजमार्गको दाउन्ने सडक खण्ड एकतर्फी सञ्चालनमा आएको छ । बर्दघाट नगरपालिका वडा नम्बर ४ अन्तर्गत पर्ने खुर्सानी खोला नजिकैको बाटो भासिएपछि सडक अवरुद्ध बनेको थियो ।
बिहान करिब ६ बजेबाट भस्किएको सडक मर्मतको काम सुरु भएको थियो । तत्कालका लागि एकतर्फी बाटो सञ्चालन गरी सवारीलाई गन्तव्यतर्फ पठाउने र ट्राफिक व्यवस्थापन भएपछि थप मर्मतका काम निर्माण कम्पनीले जारी राख्ने जिल्ला ट्राफिक प्रहरी कार्यालय पश्चिम नवलपरासीका ट्राफिक प्रहरी निरीक्षक अमृत भण्डारीले जानकारी दिए ।
भासिएको सडक छेउमै विद्युत् पोल रहेकोले सडक मर्मतमा कठिनाइ भइरहेको र विद्युत् प्राधिकरण सँगको समन्वयमा सडक मर्मतको काम भइरहेको भण्डारीले जानकारी दिए ।
दाउन्ने सडक खण्डको अहिले भस्किएको करिब ५० मिटर पूर्वमा पनि गत शुक्रबारको वर्षाको कारण करिब ११ घण्टा सडक अवरुद्ध भएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया