नेसपा (नयाँ शक्ति)ले पाँच महिने प्रशंसा अभियान चलाउने

काठमाडौँ । नेपाल समाजवादी पार्टी (नयाँ शक्ति)ले पाँच महिने प्रशंसा अभियान चलाउने भएको छ।

शनिवार पार्टी केन्द्रीय कार्यालयमा यसअघि पार्टीले तीन महिने प्रशंसा अभियान सञ्चालन गरेको र अभियान प्रभावकारी भएको पार्टीका महासचिव सोनाम सिंह स्याङतानले यस्तो बताएका हुन् ।

उनले प्रशंसा अभियान-२ भनेर अब पाँच महिने अभियान सञ्चालन हुने जानकारी दिए। प्रशंसा अभियान प्रशिक्षण, संगठन र सामाजिक परिचालनका रूपमा रहेको उनको भनाइ छ।

उनले भने, ‘हामीले प्रशंसा अभियान-२ भनेर पाँच महिने अभियान सञ्चालन गर्ने निर्णय गरेका छौँ। प्रशिक्षण, संगठन र सामाजिक परिचालन भनेको प्रशंसा अभियान हो। जनताको मुद्दाहरू हो यो भनेको शासनमा देखिएको समस्या, भ्रष्टाचारविरुद्धको अभियान हो। तीन महिने पहिलो चरणको अभियान सकिसकेको छ। अहिले हामी दोस्रो चरणको अभियानमा लागेका छौँ।’

उनका अनुसार पार्टीले ०८४ को निर्वाचनलाई लक्षित गरेर पार्टीको आन्तरिक संगठन सुदृढीकरण, विस्तार गरिरहेको छ।