मंग्सिर २६, २०८२ शुक्रबार
December 12, 2025
युग खबर
२०८२ कार्तिक २७, बिहिबार
काठमाडौँ, कात्तिक २७ गते । भारतीय क्रिकेटर प्रियाङ्क किरित पन्चाललाई नेपाल प्रिमियर लिग (एनपिएल) को दोस्रो सिजनका लागि कर्णाली याक्स स्पोर्ट्स प्रालिले अनुबन्ध गरेको छ ।
प्रियाङ्क कर्णालीमा अनुबन्ध हुने चौथो विदेशी खेलाडी हुनुहुन्छ । यसअघि कर्णालीले अस्ट्रेलियाका विलियम बोसिस्टोसँग सम्झौता नवीकरण गरेको थियो ।
यस्तै कर्णलीले मार्क वाट र म्याक्स ओ’डाउडलाई यसअघि अनुबन्ध गरिसकेको छ । ३५ वर्षीय ओपनर ब्याट्सम्यान प्रियाङ्कले पछिल्लो पटक भारतीय टोलीबाट हङकङ सुपर सिक्सेस खेल्नुभएको थियो ।
उहाँले गुजरातबाट रणजी ट्रफी खेल्दै आउनुभएको छ । उहाँले ५९ टी–२० मा नौ अर्धसतकसहित एक हजार ५२२ रन बनाउनुभएको छ ।
कर्णाली याक्सको प्रशिक्षकमा ज्ञानेन्द्र मल्ल र मार्की खेलाडीमा सोमपाल कामी हुनुहुन्छ । आठ टोलीको सहभागिता रहने एनपिएल मङ्सिर १ देखि २७ गतेसम्म हुँदैछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया