अदालतले आफ्नो पक्षमा फैसला नगरे आन्दोलन गर्छु भनेर धम्की दिनु ओलीको स्वेच्छाचारी कदम – महामन्त्री सिंह

काठमाण्डौंः नेकपा मशालका महामन्त्री मोहन बिक्रम सिंहले प्रधानमन्त्री केपी ओली अधिनायकवाद तर्फ उन्मुख भइरहेको बताएका छन् ।

प्रगतिशील पत्रकार संघ बाग्लुङको आयोजनामा भएको पत्रकार भेटघाटमा उनले अदालतले आफ्नो पक्षमा फैसला नगरे आन्दोलन गर्छु भनेर धम्की दिनु ओलीको स्वेच्छाचारी कदम भएको बताएका हुन । अदालतलाई निर्वाचन आयोगलाई प्रधानमन्त्री ओलीले सहयोग गर्नुपर्ने ठाउँमा उल्टै धम्काउदै हिडनु आपत्तिजनक भएको सिंहको भनाइ छ ।

संबिधान विपरित संसद विघटन गरेपछि देशमा राजावादी र बिदेशी शक्तिको चलखेल सुरु भएकाले सचेत हुनुपर्ने महासचिव सिंहले बताए । महासचिव सिंहले ओलीले गरेको गलत कदमको बिरूद्व नेकपा मसाल आन्दोलनमा जाने जानकारी दिए ।