श्रावण ६, २०८२ मंगलबार
July 22, 2025
युग खबर
२०७८ बैसाख २८, मंगलबार
काठमाण्डौंः प्रधानमन्त्री केपी शर्मा ओलीले संसदमा विश्वासको मत गुमाएसंगै गठबन्धन सरकार निर्माणको प्रक्रिया अघि बढेको छ । बहुमतको सरकार गठनकालागि दलहरु कसरतमा छन् ।
राष्ट्रपति विद्यादेवी भण्डारीले सोमबार साँझबाट लागू हुने गरी संविधानको धारा ७६ (२) अनुसार गठबन्धन सरकार निर्माणका लागि राजनीतिक दललाई बिहीबार साँझ ९ बजेसम्म दाबी पेश गर्न समयसीमा तोकेकी छन् ।
राष्ट्रपतिले दिएको समयसीमाभित्र विपक्षी गठबन्धनले बहुमत दलहरुले छलफललाई तिब्रता दिएका छन् । प्रमुख प्रतिपक्षी नेपाली कांग्रेसका सभापति शेरबहादुर देउवाले नयाँ सरकार गठनका सम्बन्धमा छलफल गर्न दलका नेताहरुलाई आफ्नै निवासमा बोलाएका छन् ।
दिउँसो २ बजे नयाँ सरकार गठनबारे छलफल गर्न माओवादी र जसपाका शीर्ष नेतालाई बुढानिलकण्ठमा बोलाइएको कांग्रेस नेता रमेश लेखकले जानकारी दिए । माओवादी केन्द्र र नेपाली कांग्रेसले नयाँ सरकार गठनको कसरत गरे पनि जसपाको एउटा समूह तयार भइसकेको छैन् ।
उपेन्द्र यादव समूह नयाँ सरकार बनाउन तयार भए पनि महन्थ ठाकुर समूह तयार छैन् । राष्ट्रपतिले दिएको समयसीमाभित्र विपक्षी गठबन्धनले बहुमत जुटाउन नसकेमा संविधानको धारा ७६ (३) अनुसार कामचलाउ प्रधानमन्त्री ओली नै पुनः अल्पमतको प्रधानमन्त्री नियुक्त हुनेछन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया