श्रावण ६, २०८२ मंगलबार
July 22, 2025
युग खबर
२०७८ बैसाख २८, मंगलबार
काठमाण्डौंः काँग्रेस पदाधिकारी बैठकले पार्टी सभापति शेरबहादुर देउवाको नेतृत्वमा सरकार बनाउन आवश्यक समर्थन जुटाउने निर्णय गरेको छ ।
सभापति शेरबहादुर देउवाको निवास बूढानीलकण्ठमा दुईघण्टासम्म बसेको पदाधिकारी बैठकले राष्ट्रपतिले दिएको समयसीमा भित्र देउवाको नेतृत्वमा सरकार बनाउन बहुमत पुग्ने विश्वास लिएको छ।
बैठकपछि सहमहामन्त्री डा. प्रकाश शरण महतले माओवादी केन्द्र काँग्रेसलाई सघाउने बारे स्पष्ट रहेको र अन्तिम समयसम्ममा जसपा पनि एकजुट हुने विश्वास व्यक्त गरे ।
यस्तै एमालेकै माधव कुमार नेपाल समूहले तोकिएको समयभित्र एउटा निकास दिने भएकाले पार्टीको नेतत्वमा सरकार बन्ने पर्याप्त आधार रहेको दावी गरे ।
आजको बैठकमा सभापति शेर बहादुर देउवा ,गोपाल मान श्रेष्ठ ,बिमलेन्द्र निधि, बिजय कुमार गच्छदार, डा. शशांक कोइराला, बालकृष्ण खाड ,सीता देवी यादव, प्रकाश मान सिह, लगायतको उपस्थिति रहेको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया