श्रावण ४, २०८२ आइतबार
July 20, 2025
युग खबर
२०७८ जेठ २५, मंगलबार
काठमाण्डौंः नेकपा एमाले सुदूरपश्चिम प्रदेश संसदीय दलले मुख्यमन्त्री त्रिलोचन भट्टको पक्षमा मतदान नगर्ने सात जना सांसदलाई स्पष्टिकरण सोधेको छ ।
मंगलबार मुख्यमन्त्री भट्टलाई विश्वासको मत नदिने प्रधानमन्त्री केपी शर्मा ओलीका सात जना सांसदलाई माधव नेपाल पक्षीय संसदीय दलले स्पष्टिकरण सोधेको हो । सुदूरपश्चिम प्रदेश सभा संसदीय दलका नेता प्रकाशबहादुर शाहले ह्वीप उल्लंघन गरेको भन्दै २४ घण्टाभित्र चित्तबुझ्दो जवाफ पेश गर्न निर्देशन दिएका छन् ।
ओली पक्षका सांसद पठानसिंह बोहरा, नेपालु चौधरी, रतन थापा, लिलाधर भट्ट, गेल्वुसिंह बोहरा, माया तामाङ बोहरा र बलदेव रेग्मीलाई स्पष्टीकरण सोधिएको हो ।
यता नेकपा एमाले सुदूरपश्चिम प्रदेश अध्यक्ष कर्ण थापाले पार्टीको ह्वीप उल्लंघन गर्ने नेपाल समूहका सांसदलाई कारबाही गर्ने तयारी भइरहेको जानकारी दिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया