श्रावण ४, २०८२ आइतबार
July 20, 2025
युग खबर
२०७८ असार ३, बिहिबार
काठमाण्डौ: जनता समाजवादी पार्टी (जसपा)को उपेन्द्र यादव समुहले सरकारमा सहभागी भएका सबै मन्त्रीहरुलाई पार्टीबाट निष्कासन गर्ने निर्णय गरेको छ ।
बिहिबार पार्टी केन्द्रीय कार्यालय बालकुमारीमा बसेको जसपाको कार्यकारिणी बैठकले केपी ओली नेतृत्वको सरकारमा सहभागी भएका ९ जना मन्त्रीहरुलाई पाटीको साधारण सदस्यसमेत नरहने गरी पार्टीबाट निष्कासन गर्ने निर्णय गरेको हो ।
यसअघि यो समूहले अध्यक्ष महन्थ ठाकुर, वरिष्ठ नेता राजेन्द्र महतो, नेताहरु सर्वेन्द्रनाथ शुक्ल र लक्ष्मणलाल कर्णलाई मात्र निष्कासन गरेको थियो । आज बसेको बैठकले जेठ ८ गतेको बैठकको निर्णयकै आधारमा सरकारमा सहभागी भएका जसपाका बाँकी नेताहरूलाई निष्कासन गर्ने निर्णय गरेको हो ।
त्यस्तै बैठकले लुम्बिनी प्रदेश सरकारको नीति तथा कार्यक्रममा समर्थन जनाएका ४ जना सांसदलाई स्पष्टीकरण सोध्ने निर्णय गरेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया