संसद र जनताको जीवन समृद्ध बनाउने बेलामा निर्वाचन घोषणा गरेर ओलीले अंहकार देखाएः नेता नेपाल

काठमाडौंः पूर्व प्रधानमन्त्री एवम् एमाले वरिष्ठ नेता माधवकुमार नेपालले मध्यावधी निर्वाचन घोषणा गर्नु प्रधानमन्त्री केपी शर्मा ओलीको अंहकार मात्रै भएको बताएका छन् ।

आज सम्पादक एवम् पत्रकारहरुसँगको अन्तर्क्रिया कार्यक्रममा बोल्दै नेता नेपालले संसद र जनताको जीवन समृद्ध बनाउनु पर्ने बेलामा निर्वाचन घोषणा गर्न नहुने समेत उनले दाबी गरे ।

“जनताको चेतना प्रखर भएको छ । सुशासनको प्रत्याभूति, संविधानको रक्षा र सहि काम गरेर जनताको जीवनलाई समृद्ध बनाउनुपर्ने बेलामा संसदलाई विघटन गरेर चुनाव हुननसक्ने चुनावको घोषणा गर्नु ओलीको अंहकार मात्रै हो । यो कोर्स करेक्सन गरौँ । त्रुटि कमजोरी हुनसक्छन् सुधार गर्न सकिन्छ ।” नेता नेपालले भने ।

त्यसैगरी संसद विघटन गरेर प्रधानमन्त्री ओलीले गल्ती गरेको बताउँदै उक्त कुरा सुधार गरेर आए त्यसलाई स्वागत गर्न सकिने बताए । देश अहिले गम्भीर मोडमा आएको बताउँदै त्यसको रक्षा गर्ने जिम्मेवारी राजनीतिक दल र मिडियाकर्मीहरुको भएको बताए ।