श्रावण ४, २०८२ आइतबार
July 20, 2025
युग खबर
२०७८ फागुण १९, बिहिबार
काठमाण्डौंः एजेन्सीः हामीले प्रयोग गर्दै आएको ल्यापटप वा डेस्टटपको स्पीड केही समयपछि विस्तारै स्लो हुँदै जान्छ । हामीले खरिद गरेको नयाँ ल्यापटप वा कम्प्युटरमा प्रत्येक दिन आउने नयाँ सफ्टवयेर तथा विन्डोज अपडेटले पनि स्लो बनाउने गरेको हुन्छ ।
त्यसकारण कम्पुटर किन्दा हामीले सकेसम्म उच्च क्षमताको किन्नु जरूरी हुन्छ । बजारमा विभिन्न ब्राण्ड र मूल्यका ल्यापटपहरू उपलब्ध हुन्छन् ।
हाल धेरै जसो कम्प्युटरहरू विन्डोज १० अपरेटिङ सिस्टममा आधारित हुन्छन् । हामीले यसमा काम गर्दै जाँदा कतिपय अवस्थामा यसमा अनावश्यक फाइलरू जम्मा भएका हुन्छन् जसलाई कतिपय अवस्थामा डिलिट गर्दा समेत स्पीड बढ्न जाने हुन्छ ।
कम्पुटर छिटो बनाउने केहि प्रक्रियाहरू:
डिस्क क्लिकअप गर्नुहोस्
तपाईंको कम्प्युटरमा भएका सबै फाइलहरू आवश्यक नहुन सक्छन् । त्यस्ता अनावश्यक फाइलहरू डिलिट गर्ने गर्नुभयो भने तपाईंको कम्प्युटरलाई छिटो चल्ने हुनसक्छ । यसका लागि निम्नअनुसार गर्नुहोस् ।
– ओपन माइ कम्प्युटरमा जानुहोस् ।
– सी ड्राइभमा राइट क्लिक गर्नुहोस् ।
– त्यहाँ रहेको प्रोपर्टीमा जानुहोस् ।
– अब डिस्क क्लिनअप अप्सनमा क्लिक गर्नुहोस् । यसले केही समय लिनेछ ।
– त्यसपछि क्लिनअप सिस्टम फाइलमा क्लिक गर्नुहोस् । यति सबै प्रकृया पुरा गरिसकेपछि कम्प्युटरलाई एकपटक बन्द गरेर खोल्नुहोस् ।
टेम्पोररी फाइल डिलिट गर्नुहोस्
कम्प्युटर तथा ल्यापटपको प्रयोग गर्दै जाँदा विभिन्न प्रोग्रामले अनेक फाइलहरू तयार पारेका हुन्छन् । तर, काम सम्पन्न भइसक्दा समेत त्यस्ता अस्थायी फाइलहरू कम्प्युटरमै बसिरहेका हुन्छन् ।
जसले कम्प्युटरको स्पीड कम हुन जान्छ । तलको तरीका अपनाएर यसलाई फाल्नुहोस् ।
– किबोर्डमा विण्डो बटनसँगै आर थिच्नुहोस् ।
– अब त्यहाँ %temp% टाइप गर्नुहोस् ।
– कन्ट्रोल बटनसँगै ए दबाएर सबै फाइल सेलेक्ट गर्नुहोस् र राइट क्लिक गरी डिलिट गर्नुहोस् ।
– फेरी अघि जस्तै विण्डोसँगै आर बटन दबाउनुहोस् ।
– त्यहाँ prefetch टाइप गर्नुहोस् र कन्टिन्युमा क्लिक गरी अगाडि बढ्नुहोस् ।
– अब त्यहाँ रहेका सबै फाइल सेलेक्ट गरी डिलिट गर्नुहोस् ।
अटो रन प्रोग्राम बन्द गर्नुहोस्
कम्प्युटर तथा ल्यापटप अन गर्ने वित्तिकै स्वतः स्टार्ट हुने प्रोग्रामहरूले तपाईंको कम्प्युटरको स्पेस प्रयोग गरिरहेका हुन्छन् । जसले गर्दा तपाईंलाई आवश्यक प्रोग्रामले सजिलै रुपमा काम गरिरहेको हुँदैन ।
यसका लागि तलको प्रक्रियाबाट अटो स्टार्ट हुने प्रोग्रामहरू बन्द गर्न सक्नुहुन्छ ।
– यसका लागि अल्ट, कन्ट्रोल र डिलिट बटनलाई एकसाथ थिच्नुहोस् ।
– टास्क म्यानेजरमा प्रवेश गर्नुहोस् ।
– त्यहाँ माथि लहरै दिइएका अप्सनहरूमध्ये स्टार्टअपमा क्लिक गर्नुहोस् ।
– त्यहाँ तपाईंले अटो स्टार्ट हुने एपहरूको सूची देख्न सक्नुहुनेछ । त्यसमा गएर माइक्रोसफ्ट प्रोग्राम तथा एन्टीभाइरस बाहेक सबै प्रोग्रामलाई अटो स्टार्ट हुनबाट रोक्नुहोस् ।
– त्यसका लागि सम्बन्धित प्रोग्राममा क्लिक गरी पुछारमा रहेको डिसेबलमा क्लिक गर्नुहोस् ।
– यसको साटो सम्बन्धित प्रोग्राम चयन गरी राइट क्लिकमार्फत समेत निश्चित प्रोग्रामको अटो स्टार्ट इनेबल तथा डिसेबल गर्न सक्नुहुन्छ ।
यसरी तपाईंले आफ्नो कम्प्युटरको स्पीड बढाउन सक्नुहुन्छ । – एजेन्सी
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया