श्रावण ३, २०८२ शनिबार
July 19, 2025
युग खबर
२०८१ कार्तिक २७, मंगलबार
काठमाडौं। जनता समाजवादी पार्टी (जसपा) नेपालको बागमती प्रदेश समितिअन्तर्गतका तीनवटा पालिका समिति पुनर्गठन भएका छन्।
यसरी पुनर्गठन गरिएका पालिकामा काठमाण्डौको तार्केश्वर नगरपालिका, ललितपुरको गोदावरी नगरपालिका र चितवनको इच्छाकामना गाउँपालिका रहेका छन्।
पालिकास्तरीय भेलाको आयोजना गरी गोकुल ठकुरीको अध्यक्षतामा तार्केश्वर नगर समिति पुनर्गठन भएको छ। त्यसैगरी पालिकामा आयोजित पुनर्गठन भेलाबाट सत्यराज लाखेको अध्यक्षतामा गोदावरी नगर समिति र विशाल रानाको अध्यक्षतामा २५ सदस्यीय इच्छाकामना गाउँ समिति पुनर्गठन गरिएको छ।
जसपा नेपालले केन्द्रीय नेताहरुलाई पालिकामा अभियन्ताको रुपमा खटाइ चार महिने संगठन निर्माण अभियान सञ्चालन गरिरहेको छ। सोहीअनुसार संगठनहरु गठन, पुनर्गठन भइरहेका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया