खानेपानी मन्त्री थापाले किन भेटे विप्लवका नेता ओलीलाई

काठमाण्डौंः प्रतिबन्धित नेत्र विक्रम चन्द विप्लव नेतृत्वको नेकपाका प्रभावशाली नेता हेमन्तप्रकाश ओली ‘सुदर्शन’लाई वहालवाला मन्त्री मणी थापाले मंगलबार नख्खु कारागार पुगेरै भेटेका छन् ।

विप्लवका नेता ओली भेट्न सत्तारुढ नेकपाका ओली समुहका खानेपानीमन्त्री मणी थापा मंगलबार बिहान नख्खु कारागार पुगेका हुन् । काभ्रेबाट पक्राउ परेका हेमन्तप्रकाश ओली नख्खु जेलमा रहेका छन् ।

कारागारमा पुगी मन्त्री थापाले त्यहाँको खानेपानीको स्थितिबारे जानकारी लिदैं ओलीसँग अनौपचारिक संवाद गरेको स्रोतको दाबी छ । प्रतिनिधि सभा विघटनपछि ओली समूहले पूर्व लडाकुदेखी, विप्लव समूहसँग समेत निरन्तर वार्ता गरी पूर्वमाओवादीको समर्थन जुटाउने कोषिश गरेका छन् ।

हिंसात्मक गतिविधि छाडेर शान्तिपूर्ण रूपमा आउने हो भने सरकार विप्लवसँग लचिलो हुने नेकपा विप्लवले बताइरहेको बेला पछिल्लोपटक बहालवाल मन्त्रीसँगको भेट हुनु अर्थपूर्ण रहेको बताईएको छ ।