जसपामा पहिरो – स्थायी समिति सदस्य एवं पार्टीका युवा इन्चार्ज इस्लाम ओली समूहमा प्रवेश

काठमाण्डौं: जनता समाजवादी पार्टी (जसपा) का स्थायी समिति सदस्य एवं पार्टीका युवा इन्चार्ज इस्लाम हवारी नेपाल कम्युनिस्ट पार्टी (नेकपा) को ओली समूहमा प्रवेश गरेका छन्।

प्रधानमन्त्री एवम् नेकपा ओली समूहका अध्यक्ष केपी ओलीले प्रधानमन्त्रीको सरकारी निवास बालुवाटारमा शुक्रबार बिहान हवारीलाई नेकपामा स्वागत गरेको प्रधानमन्त्रीको सचिवालयले जनाएको छ।

स्वागतका क्रममा प्रधानमन्त्री ओलीले हवारीलाई उत्कृष्ट ढंगले पार्टीको काममा लाग्न शुभकामना दिए । गत पुष ५ गते प्रधानमन्त्री केपी शर्मा ओलीले संसद विघटन गरी मध्यावधी निर्वाचन गर्न राष्ट्रपति समक्ष सिफारिस गरेपछी दुई खेमामा बिभाजित भएपछी राजनितिक अस्तित्वको लागी सडकमा प्रदर्शन सहित सभाहरु राखी आफु नै आधिकारिक भन्दै सकृय रहेका देखिन्छन् ।

संसद विघटनविरुद्ध मुद्दाको सर्वोच्च अदालतको संवैधानिक इजलाशमा बहस जारी छ। प्रधानमन्त्री ओलीले हुँदै नभएको अधिकार प्रयोग गरी संसद विघटन गरेको भन्दै सत्ता पक्ष र अन्य राजनीतिक दल आन्दोलित छन् ।