नेकपा (प्रचण्ड-माधव) समुहद्वारा तेस्रो चरणको आन्दोलनको घोषणा

काठमाण्डौंः प्रतिनिधिसभा विघटनको विरोधमा संघर्ष गर्दै आएको नेकपा प्रचण्ड-माधव समूहले तेस्रो चरणको आन्दोलन घोषणा गरेको छ।

केन्द्रीय संघर्ष समितिले आइतबार पार्टी कार्यालय कोटेश्वर पेरिसडाँडामा पत्रकार सम्मेलन गरेर तेस्रो चरणको आन्दोलनका कार्यक्रम घोषणा गरेको हो ।  घोषित कार्यक्रम अनुसार  फाल्गुन ६ गते प्रतिगमन, महङ्गी र भ्रष्टाचारको विरोधमा टुँडिखेल वरिपरि मानव साङ्लो  बनाएर विरोध प्रदर्शन गर्ने कार्यक्रम रहेको छ।

यसैगरी फाल्गुन ७ मा सबै वडामा विरोध गर्ने बताइएको छ। फागुन ७ देखि १५ गतेसम्म सार्वजनिक स्थलहरूमा हस्ताक्षर संकलन गर्ने कार्यक्रम रहेको छ।