श्रावण ४, २०८२ आइतबार
July 20, 2025
युग खबर
२०७८ जेठ ३१, सोमबार
काठमाडौंः केपी ओली सरकार बिरोधी गठबन्धनमा सामेल तीन राजनितिक दलका प्रमुख नेताहरुको संयुक्त बैठकले गठबन्धनलाई केन्द्रदेखी प्रदेशसम्म निरन्तरता दिने निर्णय गरेका छन् ।
विपक्षी गठबन्धनका प्रमुख तीन नेताले प्रदेशदेखि संघसम्म नै गठबन्धनलाई निरन्तरता दिने र ओली सरकारविरुद्ध दृढ भएर उभिने निष्कर्ष निकालेका छन् ।
नेकपा एमालेका वरिष्ठ नेता एवं पूर्व प्रधानमन्त्री माधवकुमार नेपालको कोटेश्वरस्थित निवासमा सोमबार बसेको बैठकले विधान र लोकतन्त्रको रक्षार्थ भएको सहकार्यमा आपसी अविश्वास उत्पन्न हुन नदिने निर्णय लिएका हुन् ।
बैठकमा नेता नेपालसहित नेपाली काँग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र काँग्रेस महामन्त्री पूर्णबहादुर खड्का उपस्थित रहेका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया