कांग्रेस नेता एवं पूर्वमन्त्री विष्टको निधन

काठमाडौं: नेपाली काँग्रेसका नेता एंव पूर्वमन्त्री तप्तबहादुर विष्टको कोरोनाभाइसको संक्रमणका कारण निधन भएको छ । कोरोना संक्रमण भएपछि विष्टलाई थप उपचारका लागि हेलिकप्टरबाट काठमाडौं ल्याइएको थियो ।

मेडिसिटी अस्पतालमा उपचारको क्रममा आ बिहान पाँच बजेतिर विष्टको निधन भएको हो ।

लामो समय कांग्रेस सुर्खेतका सभापति रहेका विष्ट २०७० सालमा सुर्खेत क्षेत्र नम्बर ३ बाट संविधान सभा सदस्य निर्वाचित भएका थिए। उनी २०७४ मा शेरबहादुर देउवा नेतृत्वको सरकारमा सञ्चार तथा सूचना प्रविधि राज्यमन्त्री बनेका थिए।

यसैबीच नेपाली कांग्रेसका सभापति शेरबहादुर देउवाले विष्टको निधनप्रति दु:ख व्यक्त गरेकी छन् । ट्वीट गर्दै सभापति देउवाले,“उहाँको निधनको खबरले म निकै दुस्खी छु । तप्तजी एक निष्ठावान नेता हुनुहुन्थ्यो । उहाँको निधनले पार्टीलाई अपूरणीय क्षति भएको छ । ”