महाधिवेशनका लागि ‘डिजिटल भोटिङ’ गर्न प्रविधि निर्माण गरेको काँग्रेसको दाबी (विज्ञप्ती)

काठमाडौंः सत्तारुढ दल नेपाली कांग्रेसले कोरोना महामारीको अवस्था कायमै रहेपनि आगामी १४ औँ महाधिवेशन डिजिटल माध्यमबाट गर्न सकिने प्रविधि निर्माण गरेको छ ।

कांग्रेसको सूचना, सञ्चार तथा प्रचार विभागले पार्टीको महाधिवेशनका लागि केन्द्रीय समितिले आवश्यक ठानेमा ‘डिजिटल भोटिङ’ को प्रविधि सुनिश्चितता गरेको जनाएको हो ।

गत असार २४ र २५ गते भौतिक र भर्चुअल दुबै प्रक्रियाबाट सम्पन्न बैठकले ‘डिजिटल भोटिङ’ को अवधारणालाई अन्तिम रुप दिएको कांग्रेसले जनाएको छ ।

कोरोना महामारी कायमै रहेको अवस्थामा केन्द्र र प्रदेशको ‘डिजिटल भोटिङ’ गर्न सकिने व्यवस्था रहेको बताइएको छ । कोरोना महामारी न्यून भएमा भने महाधिवेशन भौतिक रुपमै गर्न सकिने तर कोरोना संक्रमणको जोखिम बढेको अवस्थामा पूर्व निर्धारित तालिका अनुसार महाधिवेशन गर्ने व्यवस्था गरिएको बताइएको छ ।