लोसपामा पनि भाँडभैलो शुरु

काठमाण्डौंः कीटनाडी समाजबादी पार्टी नेपालका अध्यक्ष महन्थ ठाकुरले आफूहरुको माग पूरा नगरेको भन्दै सो पार्टीको असन्तुष्ट पक्ष पुनः आन्दोलन गर्ने तयारीमा जुटेको छ । अध्यक्ष ठाकुरले पार्टीको बैठक नबसाई एकलौटी निर्णयहरु गरेको दाबी गर्दै सो पार्टीका असन्तुष्ट नेताहरुले संघर्षका कार्यक्रम ल्याउने तयारी गरेका हुन् ।

अध्यक्ष ठाकुरका एकलौटी निर्णयका विरुद्ध लोसपाका असन्तुष्ट नेताहरु यही पुस १२ गतेदेखि पार्टी कार्यालयमा धर्ना बसेका थिए। त्यसपछि अध्यक्ष ठाकुरले असन्तुष्ट पक्षसँग आफ्नो निवासमा बोलाएर वार्ता गरेका थिए । वार्तामा अगामी दिनमा सबैको सहमतिमा निर्णय लिने र बैठकहरू बसाउने प्रतिबद्धता अध्यक्ष ठाकुरले गरेका थिए । तर, त्यसपछि पनि उनले विभिन्न नियुक्ति

एकलाटी ढंगबाट गर्न थालेपछि थप संघर्ष गर्नुपर्ने अवस्था आएको लोसपाका नेता सञ्जय सिंहले बताए । उनले भने, ‘हामीले अध्यक्ष ठाकुरसँग छलफल गर्दा उहाँले पार्टीमा भएका मनोनयनहरुको बारेमा पुनर्विचार गरिने र अगामी निर्णयहरु पार्टीको बैठक बसेर तय गरिने भन्नुभएको थियो तर उहाँ पुरानै शैलीमा हिँड्न थाल्नुभएको छ, भटाभट मनोनयनहरु गरिनै रहनुभएको छ, पार्टीका बैठकहरू पनि बसाउनुभएको छैन, त्यही भएर उहाँका विरुद्ध पुनः आन्दोलनका थप कार्यक्रम तय गर्ने तयारी गरिरहेका छौं ।’

जनकपुरमा माघको पहिलो हप्ता बृहत् बैठक राखेर आन्दोलनका बारेमा छलफल गरी अगाडि बढ्ने तयारी भएको समेत उनले बताए । अर्का नेता रमण पाण्डेले पनि पार्टी अध्यक्षमा सुधार नआएको बताए ।

उनले भने, ‘पाटीमा भएका त्रुटिलाई अध्यक्षल सुधार गर्नुहुन्छ जस्तो आफूलाई लागेको थियो तर हालसम्म त्यस्तो केही संकेत पाइएन ।’ आफूले अध्यक्ष ठाकुरलाई भेटेर पनि यी कुरा सम्झाएको तर कुनै प्रतिकृया नदिएको भन्दै पाण्डेले असन्तुष्टि पोखे । पाण्डेले अब बैठक बसेर संघर्षका थप कार्यक्रमहरु सार्वजनिक गर्ने जानकारी दिए । लोसपामा अध्यक्ष ठाकुर र नेता शरत्सिंह भण्डारी काँग्रेसमा लामो समय राजनीति गरेका व्यक्ति हुन् । उनीहरुका विरुद्ध अर्कै • पृष्ठभूमिबाट आएका राजेन्द्र महतोले गुट चलाउँदै ठाकुरको चेजोबध गर्न खोजेका छन् । महतो विगत डेढ महिनादेखि पार्टीको कुनै पनि कार्यक्रममा भाग नलिएको र बैठकमा समेत नगएको लोसपा स्रोतले बताएको छ । नयाँ विमर्श