श्रावण २, २०८२ शुक्रबार
July 18, 2025
युग खबर
२०७९ चैत्र १३, सोमबार
काठमाण्डौंः यो वर्ष पाल्पाबाट चार हजार ५४६ जना विद्यार्थी माध्यमिक शिक्षा परीक्षा (एसइई) मा सहभागी हुने भएका छन् । जिल्लाभरिका १३७ विद्यालयका चार हजार ५४६ जना विद्यार्थीले एसइई परीक्षाका लागि रजिस्ट्रेसन भरेको शिक्षा विकास तथा समन्वय इकाई पाल्पाले जनाएको छ ।
जसमध्ये छात्रा दुई हजार २५७ र छात्र दुई हजार २८९ परीक्षामा सहभागी हुने इकाई प्रमुख महेन्द्र सुवेदीले जानकारी दिनुभयो । परीक्षामा नियमिततर्फ चार हजार ४३२ र ग्रेड वृद्धितर्फ ११४ जना विद्यार्थी रहेका छन् । प्राविधिक धारतर्फ २३९ जना विद्यार्थीहरू परीक्षामा सहभागी हुने सुवेदीले जानकारी दिनुभयो ।
सुवेदीका अनुसार सबै भन्दा कम ६८ जना दर्लमडाँडा मावि दर्लमडाँडा केन्द्रबाट र सबै भन्दा बढी २८६ जना विद्यार्थी दरैठाँटी मावि रामपुर केन्द्रबाट सहभागी हुनेछन् ।
परीक्षाका लागि २७ वटा केन्द्र निर्धारण गरिएको छ । जसका लागि २७ जना केन्द्राध्यक्ष, ३१ जना सहायक केन्द्राध्यक्ष, २२६ निरीक्षक, ४६ जना परीक्षा सहायक, ९१ जना विद्यालय सहयोगी र १३५ जना सुरक्षाकर्मी परिचालन गरिएको छ । परीक्षालाई मर्यादित बनाउन आवश्यक निर्देशन समेत दिइएको शिक्षा इकाईले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया