नेपाल शिक्षक महासंघ र शिक्षा मन्त्रालय विच भएको ५१ बुँदे सम्झौता कार्यन्वयन गर्न र शिक्षा क्षेत्रका लागि कुल बजेटको २० प्रतिशत रकम लगानी गर्न माग गर्दै दबाबका लागि बृहत विरोध प्रदर्शन गरेका छन् ।
सरकारले सबै भन्दा धेरै प्राथमिकतामा राख्नुपर्नेमा शिक्षक तथा कर्मचारीहरुलाई वेवास्ता गरेको, पटक पटक गरिएका सम्झौंतालाई कार्यन्वयनमा नल्याएको र कर्मचारी तथा बालकक्षाका शिक्षकलाई न्युन तलबमा काम गर्न बाध्यपारेको भन्दै विरोध गरेका छन् । उनीहरुले यही बजेटबाट शिक्षक कर्मचारीका मागहरु पुरा गर्न सरकारलाई दबाब सिर्जना गर्नका लागि प्रदर्शन गरिएको बताए ।
साथै यही बजेटमा मागमुद्दा सम्बोधन नभए आन्दोलन गर्ने चेतावनी दिएका छन् । महासंघले विद्यालयमा कर्मचारीको दरबन्दी सिर्जना गरी विद्यालय कर्मचारीलाई दरबन्दी अनुसारको तलबभत्ता उपलब्ध गराउन, प्रारम्भिक बालकक्षाका शिक्षकलाई प्राथमिक तृतीय सरह तलबभत्ता उपलब्ध गराउन, शिक्षकको तलबमान सार्वजनिक गर्दा प्राविधिक ग्रेडको महल समेत उल्लेख गरी नियम अनुसार शिक्षकलाई प्राविधिक ग्रेड उपलब्ध गराउन लगाएतका माग राख्दै आएको छ । खबरएजुकेशन
प्रतिक्रिया