पाकिस्तानका पूर्व प्रधानमन्त्री इमरान खानको सजायमा रोक

काठमाण्डौंः इस्लामाबाद उच्च अदालतले पाकिस्तानका पूर्व प्रधानमन्त्री इमरान खानको सजायमा मङ्गलवार रोक लगाएको छ । इस्लामाबाद उच्च अदालतले इमरानलाई जमानतमा रिहा गर्न आदेश दिएको छ ।

सोमबार इस्लामाबाद उच्च अदालतले यो मुद्दामा निर्णय सुरक्षित राखेको थियो । ट्रायल कोर्टले इमरान खानलाई पाँच अगस्टमा तोसाखाना मुद्दामा दोषी ठहर गर्दै तीन वर्षको सजाय सुनाएको थियो । अदालतको आदेश लगत्तै इमरान खानलाई पक्राउ गरिएको थियो ।