श्रावण ७, २०८२ बुधबार
July 23, 2025
युग खबर
२०८० कार्तिक ३, शुक्रबार
काठमाण्डौः अमेरिकामा तीन क्रिप्टोकरेन्सी कम्पनीमाथि मुद्दा दायर गरिएको छ ।
क्रिप्टोकरेन्सी कम्पनीहरु जेनसिस ग्लोबल, यसको मातृ कम्पनी डिजिटल करेन्सी गु्रप (डीसीजी) र जेमनाईलाई लगानीकर्ताहरूबाट १ अर्ब डलर भन्दा बढी ठगेको आरेपमा न्यूयोर्ककी महान्यायाधिवक्ता लेटिटिया जेम्सले क्रिप्टोकरेन्सी कम्पनीहरुमाथि मुद्दा हालेकी हुन् ।
क्रिप्टोकरेन्सी विनिमय मञ्च एफटीएक्स धराशयी बनेको एक वर्षपछि पनि क्रिप्टो उद्योगले निरन्तर चुनौतीहरूको सामना गरिरहेको यसले ऊजागर गरेको छ । मुद्दामा लगानीकर्ताबाट ठगिएको पैसा पूरै फिर्ता गर्न र न्यूयोर्कको वित्तीय लगानी उद्योगमा तीन ओटै क्रिप्टो कम्पनीलाई प्रतिबन्ध लगाउन माग गरिएको छ ।
यो मुद्दाको केन्द्रमा जेमनाईले जेनसिससँग मिलेर चलाएको बिट्क्वाइन जस्ता क्रिप्टोकरेन्सी ऋण दिने कार्यक्रम ‘जेमनी अर्न’ छ । यो कार्यक्रमका विषयमा गएका केही महीनामा जेनसिस र जेमनाईबीच कयौं पटक झगडै परेको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया