कार्तिक २६, २०८३ बिहिबार
November 12, 2026
युग खबर
२०८० कार्तिक १८, शनिबार
काठमाण्डौंः कोशी प्रदेश सरकारले भूकम्प पीडितको राहत तथा उद्धारका लागि एक करोड रुपैयाँ सहयोग उपलब्ध गराउने निर्णय गरेको छ ।
कोशी प्रदेशका मुख्यमन्त्री केदार कार्कीले आज मुख्यमन्त्री निवास विराटनगरमा आयोजित पत्रकार सम्मेलनमा कर्णाली प्रदेशको जाजरकोट र रुकुम पश्चिमका भूकम्प पीडितको राहत उपचार, उद्धार तथा पुनर्स्थापनाका लागि कोशी प्रदेश सरकारले एक करोड रुपैयाँ उपलब्ध गराउने निर्णय गरेको बताउनुभयो ।
कोशी प्रदेश सरकारको मन्त्रिपरिषद्को आज बसेको बैठकबाट आवश्यक मानवीय सहयोग सामाग्री कर्णाली प्रदेश सरकारलाई पठाउने व्यवस्था मिलाइएको र सरकारको तर्फबाट भूकम्प प्रभावित क्षेत्रमा उद्धार, राहत, उपचार, पुनर्स्थापना, पुर्ननिर्माण लगायतका कार्यमा सहयोग पुर्याउन कर्णाली प्रदेश विपद व्यवस्थापन कोषमा जम्मा हुने गरी एक करोड रुपैयाँ पठाउने निर्णय गरेको उहाँले बताउनुभयो ।
भूकम्प पीडितहरूका लागि कोशी प्रदेश सरकारले आजै एक ट्रक कम्बल, त्रिपाल र म्याटरेस पठाउने तयारी गरेको मुख्यमन्त्री कार्कीले जानकारी दिनुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया