भिजन लुम्बिनी उर्जा कम्पनीको आइपीओमा आवेदन दिने आज अन्तिम दिन

काठमाडौंः भिजन लुम्बिनी उर्जा कम्पनी लिमिटेडले कात्तिक १६ गतेदेखि निष्काशन तथा बिक्री खुला गरेको आइपीओमा आवेदन दिने आज अन्तिम दिन रहेको छ। कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुलाई निष्काशन गरेको आइपीओ बाँडफाँड गरेपश्चात अहिले सर्वसाधारणका लागि आइपीओ निष्काशन गरेको हो।

कम्पनीले आयोजना प्रभावित क्षेत्रका स्थानिय बासिन्दाहरु, सामूहिक लगानी कोष र कम्पनीका कर्मचारीहरुलाई बाँडफाँड गरी बाँकी रहेको ४ लाख ८७ हजार ९१० कित्ता शेयर सहित गरी कुल २० लाख ७५ हजार २८५ कत्ता साधारण शेयर सर्वसाधारणका लागि निष्काशन गरेको हो।

आइपीओमा ४.७६ गुणा बढी आवेदन परेको छ । कम्पनीले बिहीबारदेखि सर्वसाधारणका लागि निष्काशन गरेको आइपीओमा ८ लाख ४७ हजार ७७० जनाले आवेदन दिएका छन् । सिडिएस एण्ड क्लियरिङ लिमिटेडका अनुसार आज साझ ५ बजेर ७ मिनेटसम्ममा ९८ लाख ८० हजार ४३० कित्ता शेयर माग गरिएको छ ।

उक्त आइपीओमा न्यूनतम १० कित्ताका लागि आवेदन दिनुपर्नेछ भने अधिकतममा ३ लाख ८० हजार कित्ता शेयरका लागि आवेदन दिन सकिनेछ।