सुनचाँदीको मूल्य यथावत

काठमाडौंः नेपाली बजारमा आज सुनको मूल्य यथावत रहेको छ । बिहिबार छापावाला सुन प्रतितोला एक लाख १९ हजार ३०० रुपैयाँमा र तेजाबी सुन प्रतितोला एक लाख १८ हजार ७५० रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ ।

बुधबार पनि छापावाला र तेजाबी सुन सोही मूल्यमा कारोबार भएको थियो । त्यस्तै चाँदीको मूल्य पनि स्थिर नै रहेको छ । आज चाँदी प्रतितोला एक हजार ५२० रुपैयाँमा किनबेच भइरहेको छ । अघिल्लो दिन पनि सोही मूल्यमा चाँदीको कारोबार भएको महासंघले जनाएको छ ।