मंग्सिर २३, २०८१ आइतबार
December 8, 2024
युग खबर
२०८० मंग्सिर २४, आइतबार
काठमाडाैं : नेकपा एमाले अध्यक्ष केपी शर्मा ओलीले अहिलेको सरकारले बिकासको काममा ध्यान केन्द्रीत गर्न नसकेको आरोप लगाएका छन्।
झुलाघाट-चिवाभञ्ज्याङ यात्रा अन्तर्गत आइतबार नुवाकोटमा आयोजित अन्तरक्रिया कार्यक्रममा अध्यक्ष ओलीले एमाले नेतृत्वको सरकारले बिकासका धेरै कामको सुरुवात गरेपनि वर्तमान सरकारले बिकासको काममा ध्यान केन्द्रीत गर्न नसेकेको आरोप लगाएका हुन्।
उनले टोखा छहरे सुरुङमार्ग लगाएत रेलमार्गका बिषयमा एमाले सरकारले छलफल सुरु गरेपनि अहिले बिलम्व भएको जिकिर गरे। ओलीले एमाले सरकारमा नभएपछि बिकास निर्माणमा ढिलासुस्ती हुनु स्वभाविक भएको बताए।
उनले नेपाल स्वाधिन स्वतन्त्र देश भएकाले आफैले त्यसको सम्मान गर्नसक्नुपर्नेमा जोड दिए। पोखरामा अन्तर्राष्ट्रिय विमानस्थल बनाएपनि बिमान उठाउन सरकार डराइरहेको उनले बताए। ओलीले नेपालका हितका लागि छिमेकी जुनसुकै राष्ट्रले गर्ने सहयोग लिनुपर्ने धारणा राखे।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया