सुनको मूल्य बढ्यो, कतिमा हुँदैछ कारोबार ?

काठमाण्डौः नेपाली बजारमा सुनचाँदीको भाउ बढेको छ । बुधबार र बिहीबार स्थिर रहेको सुनको भाउ आज बढेको हो ।

बिहिबार प्रतितोला १ लाख १९ हजार रुपैयाँमा कारोबार भएको छापावाला सुन आज ८ सयले बढेको छ । छापावाला सुन प्रतितोला १ लाख १९ हजार ८ सय रुपैयाँमा कारोबार भइरहेको छ भने तेजावी सुन तोलामा १ लाख १९ हजार २५० रुपैयाँमा कारोबार भइरहेको हो ।

चाँदीको मूल्य ५ रुपैयाँले बढेको छ । आज चाँदी प्रतितोला १ हजार ४ सय ८५ रुपैयाँमा कारोबार भइरहेको छ ।