मंग्सिर २३, २०८१ आइतबार
December 8, 2024
युग खबर
२०८० फागुण १७, बिहिबार
काठमाण्डौंः दुई दिनदेखि आन्दोलनरत नेपालगञ्ज उपमहानगरपालिकाका कर्मचारी काममा फर्किएका छन् ।
नेपालगञ्ज उपमहानगरपालिका वडा नम्बर ५ का वडाध्यक्ष सराफत हुसेन शेषलाई कारबाहीको माग गर्दै उपमहानगरपालिकाका कर्मचारीहरू बुधबारदेखि पेन डाउन गरेर आन्दोलित भएका थिए । शेषले आज उपमहानगरपालिका कार्यालयमै उपस्थित भएर कर्मचारीसमक्ष माफ मागेपछि कर्मचारी काममा फकिएका हुन् ।
मङ्गलवार दिउँसो वडाध्यक्ष शेषले कार्यालयमा प्रवेश गरी प्रमुख प्रशासकीय अधिकृत र अन्य कर्मचारीलाई अभद्र व्यवहार र मानमार्दन हुने गरी अपशब्द प्रयोग गरेको र झुटा लाञ्छना लगाएको भन्दै उपमहानगरपालिकामा कार्यरत सम्पूर्ण कर्मचारीले अत्यावश्यक सेवा बाहेकका सम्पूर्ण कामकाज ठप्प पारेका थिए ।
जनप्रतिनिधि एवम् कर्मचारीलाई झुटो लाञ्छना लगाउने, मानमर्दन हुने गरी अवाञ्छित क्रियाकलाप गर्ने जस्ता कार्य अति नै निन्दनीय भएको भन्दै कर्मचारीहरूले वडा अध्यक्ष शेषमाथि कडा कारबाहीको माग गरेका थिए । उनले माफी मागेपछि कर्मचारी काममा फर्कन सहमत भएका हुन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया