सुनको मूल्य ह्वात्तै घट्यो, चाँदीको कति पुग्यो ?

काठमाण्डौंः स्थानीय बजारमा पहेँलो धातुको मूल्य आज तोलामा  एक हजार दुई सय रूपैयाँले ओरालो लागेको छ ।

नेपाल सुनचाँदी व्यवसायी महासंघका अनुसार छापावाला सुन सोमबार प्रतितोला एक लाख ४१ हजार आठ सय रूपैयाँमा कारोबार भएकामा आजका लागि र एक लाख ४० हजार छ सय रूपैयाँ निर्धारण गरिएको छ ।

यस्तै तेजाबी सुन सोमबार तोलामा  एक लाख ४१ हजार एक सय रूपैयाँमा कारोबार भएकामा आजका लागि  एक लाख ३९ हजार नौ सय रूपैयाँ निर्धारण गरिएको महासंघले जनाएको छ ।

चाँदीको मूल्य पनि तोलामा  ५५  रूपैयाँले घटेको छ । सोमबार प्रतितोला  एक हजार नौ सय ४० रूपैयाँमा कारोबार भएकामा आज चाँदीको मूल्य  एक हजार आठ सय ८५ रूपैयाँ  छ ।