सुनको मूल्य तोलामै १८ सयले घट्यो

काठमाण्डौंः स्थानीय बजारमा सुनको मूल्य शुक्रबार पनि तोलामा १८ सय रुपैयाँ घटेको छ।

नेपाल सुनचाँदी व्यवसायी महासंघका अनुसार विहीबार र शुक्रबार गरी दुई दिनमा सुनको मूल्य ३६ सय रुपैयाँले घटेको छ। अघिल्लो दिन पनि सुन १८ सय रुपैयाँले घटेको थियो।

शुक्रबारका लागि सुनको मूल्य प्रतितोला १ लाख ३६ हजार ९ सय रुपैयाँ तोकेको नेपाल सुनचाँदी व्यवसायी महासंघले जनाएको छ।

अघिल्लो दिन १ लाख ३८ हजार ७ सयमा कारोबार भएको थियो। गत सोमबार सुनको मूल्य हालसम्मकै उकच्च १ लाख ४१ हजार ८ सय रुपैयाँ पुगेको थियो।

चाँदीको भाउ तोलामा १० रुपैयाँ घटेको छ। अघिल्लो दिन तोलामा तोलाको १८ सय ६५ रुपैयाँ रहेको चाँदी आज १८ सय ५५ मा झरेको छ।

यसअघि सोमबार चाँदी हालसम्मकै उच्च तोलाके १९ सय ४० रुपैयाँ पुगेको थियो।