श्रावण ४, २०८२ आइतबार
July 20, 2025
युग खबर
२०८१ असार १६, आइतबार
काठमाण्डौंः डिफेन्डिङ च्याम्पियन इटाली जर्मनीमा जारी युरो कपबाट बाहिरिएको छ। शनिबार भएको अन्तिम १६ को खेलमा इटाली स्विट्जरल्यान्डसँग २–० ले पराजित भएको हो। बर्लिनमा भएको खेलमा स्विट्जरल्यान्डका लागि रेमो फ्रिउलार र रुबेन भार्गासले एक एक गोल गरेका थिए।
३७औँ मिनेटमा भार्गासकै पास नियन्त्रणमा लिँदै फ्रिउलारले स्विट्जरल्यान्डलाई खेलमा अग्रता दिलाएका थिए । दोस्रो हाफको सुरुवातमा नै भार्गासले गोल गर्दै स्विट्जरल्यान्डको अग्रता दोब्बर बनाए।
मिचेल एबिसरको पासमा बक्स भित्रबाट उत्कृष्ट फिनिस गर्दै भार्गासले अग्रता दोब्बर बनाएका थिए। स्विट्जरल्यान्डले क्वाटरफाइनलमा इङ्ल्यान्ड र स्लोभाकिया बीचको खेलको विजेता विरुद्ध खेल्नेछ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया