असार १८, २०८१ मंगलबार
July 2, 2024
युग खबर
२०८१ असार १६, आइतबार
काठमाडौंः घरेलु टोली जर्मनी जारी युरो कपको क्वाटरफाइनलमा पुगेको छ। अन्तिम १६ को खेलमा डेनमार्कलाई २–० ले हराउँदै जर्मनी अन्तिम ८ मा पुगेको हो।
डर्टमुन्डस्थित सिग्नाल इडुना पार्कमा सम्पन्न रोमान्चक खेलमा जर्मनीका लागि काइ हाभर्ट्ज र जमाल मुसियालले गोल गरेका थिए । जर्मनीले अन्तिम ८ मा स्पेनसँग खेल्ने सम्भावना छ।
निकै प्रतिस्पर्धात्मक खेलमा डेनमार्कले दोस्रो हाफमा गरेको गोललाई भिडियो असिस्टेन्ट रेफ्रीले अफसाइड दिए। जोआकिम एन्डरसनको प्रहारअघि अफसाइड भएको भन्दै गोलले मान्यता पाएन।
त्यसको ५ मिनेट नबित्दै एन्डरसनकै ह्यान्डबलमा जर्मनीले पेनाल्टी पायो। हाभर्ट्जले पेनाल्टीमा गोल गर्दै खेलमा जर्मनीलाई अघि बढाए । त्यसपछि मुसियालले ६८ औं मिनेटमा गोल गर्दै जित पक्का गरे।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया