लायन्स डिष्ट्रिक्ट ३२५ के नेपालको प्रथम क्याबिनेट मिटिङको भव्य तयारी हुँदैं

काठमाण्डौंः लायन्स क्लब ईन्टरनेशनल डिष्ट्रिक्ट ३२५ के नेपालको प्रथम क्याविनेट मिटिङ श्रावण २६ गते शनिबार काठमाण्डौंमा हुने भएको छ । नेपालमा रहेका विभिन्न १५ वटा डिष्ट्रिक्ट मध्य निकै नै चलायमान र प्रभावशाली मानिएको यो डिष्ट्रिक्टको प्रथम क्याविनेट मिटिङ राजधानी काठमाण्डौंको चाबहिलस्थित स्मार्ट पार्टी प्यालेसमा हुने भएको हो ।

क्याविनेट मिटिङमा डिष्ट्रिक्ट अन्तर्गतका करीव एक हजार बढी लायन्स सदस्यहरुको सो मिटिङमा सहभागिता रहने अनुमान गरिएको छ । डिस्ट्रिक्ट अन्तर्गतका लायन्स प्रतिनिधीहरुले क्याविनेट मिटिङमा सहभागी हुन नाम दर्ता गराउने क्रम जारी रहेको रजिष्ट्रेशन कमिटीले जानकारी दिएको छ ।

डिष्ट्रिक्ट ३२५ के नेपालको यस पटकको प्रथम क्यविनेट मिटिङ ऐतिहासिक हुने डिष्ट्रिक्ट गभर्नर लायन निरा बज्राचार्यले बताउनुभयो । क्याविनेट मिटिङमा पिडिजीहरु, क्याविनेटका सिनियर साथीहरु, क्लवका अध्यक्ष र पदाधिकारी गरी १ हजार बढीको हाराहारीमा लायन्स प्रतिनिधीहरुकाे सहभागीता रहने अपेक्षा गरिएको गर्भनर बज्राचार्यले बताउनुभयो ।

क्याविनेट मिटिङको होस्ट क्लबका रुपमा क्लस्टर तीन अन्तगर्तका क्लबहरुलाई जिम्मेवारी दिईएको छ ।

कार्यक्रमलाई भब्य रुपमा सम्पन्न गर्नका लागि डिस्ट्रिक्ट ट्रेजरर हसन कुमार गोपालीले  संयोजकको जिम्मेबारी पाएका छन् । क्याबिनेट बैठकलाई भब्य र सब्य बनाउनको लागी विभिन्न बिधामा समिती गठन गरि क्याबिनेट मिटिङ्गको तयारी अगाडि बढाईएको क्लस्टर चीफ गणेश जिसीले बताए ।

क्याविनेट बैठक सम्पन्न गर्नका लागि पोखरा क्षेत्रमा रहेका बाग्लुङ, पर्वत, गण्डकीमा सम्पर्क अधिकारी समेत तोकिएको छ ।

प्रथम क्याविनेट बैंठकमा लायन्सले यस बर्षको कार्यकाल सुरू गरेदेखी हालसम्म सम्पादन गरेका कार्य मुल्याङ्कनका आधारमा सम्मान तथा अवार्ड समेत गरिने आयोजकको तयारी छ ।

प्रत्येक तिन/तिन महिनाको अन्तरालमा बर्षभरी हुने चार वटा क्याविनेट बैंठक मध्ये काठमाण्डौंमा आयोजना गर्न लागिएको यो पहिलो बैठकको रुपमा रहेको छ ।