नारायणगढ मुग्लिङ सडकमै बस पल्टिएर दुर्घटना हुँदा १० यात्रु घाइते

नारायणगढ भदौ ९ गते । नारायणगढ मुग्लिङ सडकमा आइतबार बिहान यात्रु वाहक बस दुर्घटना भएको छ ।

महेन्द्रनगर वाट  काठमाडौँ जाँदै गरेको सो बस अहिले करिब सात बजे सडकको घुमाउनेमा दुर्घटना भएको हो । जिल्ला प्रहरी कार्यालय चितवनका प्रहरी उपरीक्षक भेषराज रिजालका अनुसार भरतपुर महानगर पालिका वडा नम्बर २९ मा भएको सो दुर्घटनामा परी १० यात्रु घाइते भएका छन् । घाइतेहरूलाई उपचारकालागि भरतपुर तर्फ ल्याइएको बताइन्छ ।

दुर्घटनाको विस्तृत विवरण थाहा हुन सकेको छैन । यद्यपि सडकमै बस पल्टिएर दुर्घटना भएको प्रहरीले जनाएको छ ।