एकीकृत समाजवादीको पदाधिकारीमा को-को निर्वाचित भए (सूची हेर्नुहोस्)

काठमाडौं । नेकपा एकीकृत समाजवादीको पदाधिकारीको निर्वाचनको अन्तिम मतपरिणाम सार्वजनिक भएको छ ।

प्राप्त मत परिणाम अनुसार सचिव पदमा शेरबहादुर कुँवर (१५३), सोमप्रसाद पाण्डे (१४१), श्रीनाथ बराल (१०७), सावित्रीकुमारी भुसाल (१०६) र चन्द्रबहादुर शाही (९१) विजयी हुनुभएको छ । एकीकृत समाजवादीको पाँच सचिवका लागि २६ जना उम्मेदवार रहनुभएको थियो ।

त्यसैगरी एकीकृत समाजवादीको चार उपमहासचिवमा मेटमणि चौधरी, रामकुमार खड्का, गरिमा शाह र राजेन्द्र राई निर्वाचित हुनुभएको छ ।

त्यस्तै चार उपाध्यक्षमा डा. गंगालाल तुलाधर, जगन्नाथ खतिवडा, प्रकाश ज्वाला र भानुभक्त जोशी निर्वाचित हुनुभएको छ । महिला उपाध्यक्षमा जयन्ती राई निर्वाचित हुनुभएको छ ।