पहिरोमा पुरिएका ३ जनाको गाउँलेद्धारा जिवितै उद्धार, अवस्था चिन्ताजनक

काठमाण्डाैंः दैलेखको ठाँटीकाँध गाँउपालिका वडा नं.- ३ बिशाला खुडखुडीमा बिहीवार राती बर्षाले घर माथिबाट आएको पहिरो जाँदा रंग बहादुर आलेको घर बगाएको छ । पहिरोमा पुरिएका रंगबहादुर आलेका श्रीमती र छोरा लाई जीवितै उद्धार गरिएको छ ।

उद्धार गरिएका तीनजनाको अवस्था चिन्ताजनक रहेको छ । चन्द्रा आलेको ढाड भाँचीएको वडा नं. ३ का वडा अध्यक्ष कर्णबहादुर शाहीले जानकारी दिएका छन् । बाबु र छोराको अवस्था पनि चिन्ताजनक रहेको शाहीको भनाई छ ।

बिहिबार रातीदेखि परेको बर्षाले सडक पुरै भत्काएका कारण एम्बुलेन्स जान नसक्ने अवस्था छ । अहिले खुडखुडीका अन्य १३ घर उच्च जोखिममा रहेको स्थानीय हेमन्त दशौदीले जानकारी दिनुभएको छ । लगातारको बर्षातले वडा नं.३ बाहाकोट बजारका पनि ५ घर जोखिममा रहेको छ । रासस