श्रावण ६, २०८२ मंगलबार
July 22, 2025
युग खबर
२०७७ श्रावण १३, मंगलबार
काठमाण्डौं: नेपालका लागि चिनियाँ राजदूत हाेउ यान्छीले नेपाली काँग्रेसका वरिष्ठ नेता रामचन्द्र पौडेलसँग भेटवार्ता गरेकी छन् । मगलबार बिहान ११ बजे नेता पौडेललाई भेट्न राजदूत यान्छी उनकै निवास बोहोराटारमा पुगेकी हुन् ।
नेपाल र चीन बीचको आपसी सम्बन्ध र औपचारिक सम्बन्ध स्थापना भएको ६३औं वर्ष गाँठको अवसरमा भेटवार्ता भएको पौडेल सचिवालयले जनाएको छ ।
नेता पौडेल र राजदूत यान्छीबीच भएको भेटवार्तामा जननेता बीपी कोइराला र माओत्से तुङका पालादेखिको नेपाली काँग्रेस र चिनियाँ कम्युनिस्ट पार्टीबीचको सम्बन्धको विषयमा चर्चा भएको बताईएको छ ।
उक्त भेटमा कोरोना भाइरस (कोभिड–१९)को नियन्त्रणमा चीनले पाएको सफलता र नेपालमा कोरोना जोखिम नियन्त्रणको विषयमा समेत छलफल भएको पौडेल सचिवालयको दावी छ । राजदूत यान्छीले कोरोना जोखिम नियन्त्रणका लागि नेपाललाई यथेष्ट सहयोग गर्ने बताएकी छन् ।
नेता पौडेल र राजदूत यान्छीबीचको भेटमा समसामयिक राजनीतिक विषयमासमेत छलफल भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया